गोविन्द अर्मजा, यु.के.। चलचित्र ‘छड्के’, ‘बधशाला’, ‘धन्दा’ पश्चात युकेमा नेपाली चलचित्रको प्रदर्शनमा शुन्यता छाएको थियो । आज पिटरबोरो क्याम्ब्रिजमा बाबुराम ढकाल निर्देशित ‘नाईन वो क्लक’ प्रदर्शन हुँदैछ । यो चलचित्रको रौनक भने खासै देखिएको छैन ।
२९ सेप्टेम्बरका दिन र ६ अक्टोबरका दिन ‘किन लाग्छ माया’ प्रदर्शन हुँदैछ । यसै चलचित्र मार्फत नेपाली चलचित्रको चहलपहल शुरु हुने संकेत मिलेको छ । वितरक हरि सिलवालले जनाएनुसार यो चलचित्र काप्री कोर्न क्लब बार हल, प्लमस्टिमड लण्डनमा र निरमाया रोधी हलमा प्रदर्शन हुनेभएको छ । यो चलचित्रलाई गोपाल लामिछानेले निर्देशन गरेका हुन् ।
नेपालमा सुपरहिट भएको ‘किन लाग्छ माया’लाई शक्ति वल्लभ घोरासैनीले निर्माण गरेका हुन् । राज वल्लभ कोईराला, झरना थापा, शंकर लामिछाने, निखिल उप्रेती, रवि गिरी लगाएतका कलाकारहरुले सो चलचित्रमा अभिनय गरेका छन् ।