ठुलोपर्दा डटकम, काठमाण्डौ ।
१४ वर्षे एउटा किशोर आफ्नी प्रेमिकालाई फकाउन शब्द, संगीत र भिडियो मार्फत कोशिस गरिरहेका छन् । ‘तिमी मानन’ बोलको गीत मार्फत १४ वर्षे एक किशोरले आफ्नी प्रेमीकालाई फकाउन खोजिरहेका छन् । तर प्रेमीका भने आफ्नो प्रेमीको कुरा नै सुनिरहेकी हुदिनन् तर अन्तिममा प्रेमीको अटुट माया देखे पछि उनी आफ्नो प्रेमीको आंगाल्न बाँधिन बाध्य हुन्छिन् ।
विभिन्न चाउचाउको विज्ञापनमा आवाज दिएर सांगीतिक आकाशमा राम्रो परिचय बनाउदैं गएका अमन प्रधानको ‘रक द वल्ड’ एल्बममा समेटिएको तिमी मानन, कुरा मानन् बोलको गीतमा स्वर मात्र होइन म्यूजिक भिडियोमा पनि अब्बल अभिनय गरेका छन् । उनका साथमा इसान थापा देखिएकी छिन् । संगीतकार तथा एरेन्जर राहुल प्रधानका छोरा अमनले तीनवटा एल्बम पनि बजारमा ल्याइसकेका छन् ।
ईमेज म्यूजिक अवार्डमा कान्छा विजेता बनिसकेका अमनको यो नयाँ गीतमा बासु ढकालको शब्द रहेको छ भने उनकै बुवा राहुल प्रधानले संगीत दिएका छन् । भिडियोलाई धिरज अधिकारीले निर्देशन तथा सम्पादन गरेका छन् ।
गीत हेर्नुहोस्ः