अमेरिकी मुलका चर्चित र्यापर लियोनेल पिकेन्सको गोली हानी हत्या गरिएको छ । पिकेन्सलाई न्यूयोर्कमा उनकै गाडीमा गोली हानिएको थियो । चिंक्स उपनामले परिचित गायक लियोनेल पिकेन्सलाई गोली हानेपछि अस्पताल पुर्याइएको थियो तर अस्पतालले उनीको मृत्यु भइसकेको जनाएको थियो ।
३१ वर्षिय र्यापरसँगै गाडीमा रहेका उनका साथी अन्तर अलजैदी पनि गोली लागेर घाइते भएका छन् । उनको हाल उपचार भइरहेको छ। उनलाई अमेरिकाको स्थानिय समय अनुसार विहान ४ बजे गोली हानिएको हो । उनलाई कसले र कुन कारणले गोली प्रहार गरिएको हो भन्ने खुल्न सकेको छैन तर पारिवारिक स्रोतले बताए अनुसार उनलाई केहि नजिकका मित्रहरुलेनै गोलि प्रहार गरेको हुन सक्ने अनुमान गरिएको छ ।
गोली हानिएको समयमा उनी ब्रुकलिनको एक नाइटक्लबमा एक सांगीतिक प्रस्तुति दिएर फर्किरहेका थिए ।