राते काईलाको सम्मानमा अमेरिकामा ‘जहाँ छन् बुद्धका आँखा’

अमेरिकाको क्यालिफोर्नियास्थित सानफ्रान्सिस्कोमा आयोजना भएको फेस्टिभल अफ ग्लोबमा नेपालका कोरियोग्राफर शंकर विसीले ‘जहाँ छन् बुद्धका आँखा’, नेपाली चलचित्र ‘चिनो’को ‘मोहनी लाग्ला है’ र माइतीघरको गीत र रेसम फिरिरीको धुनलाई फ्युजन गरेर नायिकाहरु नन्दिता केसी र केकी अधिकारीले प्रस्तुति दिएका छन् ।

सोहि फेस्टिभलमा राते काईलाको उपनामले चिनिने नेपाली अभिनेता सुनिल थापालाई लाइफ टाइम एचिभमेन्ट अवार्डबाट सम्मानित गरिएको थियो । फेस्टिभलमा सुनिल थापाको सम्मानका लागि नेपाली कलाकारहरुले विशेष नृत्य प्रस्तुत गरेका थिए । शनिबार राती अबेरसम्म चलेको उक्त अवार्ड समारोहमा भारतीय चर्चित गायक बप्पी लहरी, भियतनामी अभिनेत्री क्यू चिनलाई पनि लाइफ टाइम एचिभमेन्ट अवार्डले सम्मान गरिएको थियो ।

साँघुरो, तुलसी, टाटा बाईबाई लगायतका नेपाली चलचित्र प्रदर्शन गरिएको फेस्टिभल अफ ग्लोबमा नेपाली अभिनेत्रीहरू केकी अधिकारी, नन्दिता केसी, ऋचा घिमिरे, नम्रता झा तथा अभिनेता शुशांक मैनालीलाई सम्मान स्वरूप अवार्ड प्रदान गरिएको थियो ।