निशा र निखिलले ‘मन पराको अवस्था’ (भिडियो)

ठुलोपर्दा डटकम, काठमाण्डौ।
कात्तिक २७ गतेबाट देशव्यापी प्रदर्शनको तयारीमा रहेको वितरक गोपाल कायस्थको प्रस्तुतीमा निर्माण भएको चलचित्र ‘लुटेरा’को ‘मैले तिमिलाई मन पराको अवस्था’ बोलको गीत सार्वजनिक भएको छ ।

गीतमा नायक निखिल उप्रेती र नायिका निशा अधिकारी देखिएका छन् । सार्वजनिक गीतलाई रामजी लामिछानेले कोरियोग्राफी गरेका छन् । चलचित्रमा निखिल उप्रेती, निशा अधिकारी, सविन श्रेष्ठ, हर्षिका श्रेष्ठ, अनुभव रेग्मी, अमित श्रेष्ठ, प्रियंका कार्की लगायतको मुख्य अभिनय रहेको छ ।

शिव ढकालको छायांकन, मौनता श्रेष्ठको लेखन, बसन्त सापकोटा र अर्जुन पोखरेको सँगीत, राजु शाह, कविराज गहतराज, रामजी लामिछाने नुत्य र हिमाल के.सी.को एक्शन रहेको यस चलचित्रको काठमाडौं र विरगञ्जमा छायांकन गरिएको हो । गोपाल कायस्थको प्रस्तुति रहेको चलचित्र लुटेरालाई बसन्त कुमार श्रेष्ठ र छिरिङ दोर्जे लामाले मिलेर निर्माण गरेका हुन् । चलचित्रलाई दयाराम दाहालले निर्देशन गरेका हुन् ।

गीत हेर्नुहोस्: