ठुलोपर्दा डटकम, काठमाण्डौ।
पौष २४ गतेबाट देशव्यापी प्रदर्शनमा आउन लागेको बहुप्रतिक्षित नेपाली चलचित्र ‘बागमती’को प्रचार प्रसारमा चलचित्रका नायक राजेश हमालले सक्रियता देखाउने भएका छन् ।
केहि महिनादेखी अमेरिकामा रहेका हमालले नेपाल आएसँगै चलचित्र यूनिटलाई भेटी यस्तो प्रतिबद्धता दिएका हुन् । शुक्रबार हमालसँगको छलफलपछि निर्माता तथा प्रस्तुतकर्ता दिनेश दर्शनधारीले चलचित्र पब्लिसिटीको लागी आफ्नो पुर्णतमः साथ र सहयोगको आश्वासन हमालले दिएको बताएका छन् । साथै आफू अमेरिका रहँदा समेत त्यहाँ रहेका नेपालीहरुले छिटो नेपाल फर्केर बागमतीको प्रचारको लागी उत्रिन आग्रह गरेको समेत हमालले खुलाएका छन् ।
चलचित्रलाई सुरुवाती दिनबाट नै ’महानायकको कमब्याक’ स्लोगन सहित प्रचार गरिएको छ भने साउथ ईण्डियन निर्देशक सन्नी केराला निर्दे्शित यो चलचित्र आफ्नो अहिलेसम्मकै फरक अभिनय र प्रस्तुतीमा बनेको भन्दै हमालले पनि यसअघी नै ’बागमती’को लागी आफु पुर्णतः लागीपर्ने बताउँदै आएका छन् । अमेरिका रहँदा बागमतीको बारेमा धेरैले चासो व्यक्त गरेको भन्दै चलचित्रलाई दर्शकको साथ मिलाउनको लागी हर कोशिष गर्ने समेत चलचित्र यूनिटसँगको भेटमा हमालले बताएका थिए ।
यो चलचित्रमा राजेश हमाल, शिव श्रेष्ठ, मुकुन्द श्रेष्ठ, धुव्र कोइराला, केकी अधिकारी, रेनिशा रावत, दिपा मगर, कञ्चन ठकुरी आदी कलाकारहरुले चलचित्रमा अभिनय गरेका छन् । चलचित्रलाई साउथ ईन्डियन निर्देशक सन्नी केरलाले निर्देशन गरेका हुन् ।