ठुलोपर्दा डटकम, काठमाण्डौ।
माघ २९ गतेबाट देशव्यापी प्रदर्शनमा आएको चलचित्र ‘क्लासिक’मा समावेश ‘प्रकृतीका सुन्दर’ बोलको गीत चलचित्रकी नायिका नम्रता श्रेष्ठले स्वयमले कभर सङ्का रुपमा गाएकी छिन् । यो गीत चलचित्रमा भने गायिका मेलिना राइले गाएकी छिन् ।
छोटो समयमा यो गीत दर्शकहरुले निकै रुचाएका थिए । त्यसैले पनि नायिका नम्रता श्रेष्ठले यो गीतमा आवाज दिएकी छिन् । डाक्टर कृष्णहरि बरालको शब्दमा तयार भएको यो गीतलाई नम्रताले आफ्नै शैलीमा गाएकी छिन् । माघ २९ गतेबाट प्रदर्शनमा आएको यो चलचित्र आजबाट तेश्रो सातामा प्रवेश गरेको छ ।
केही दिन अगाडि मात्र चलचित्रको टोली काठमाण्डौ बाहिरका हलमा पुगेर आएको थियो । निर्माता सुवास गिरीले तेश्रो हप्ताबाट चलचित्रले नाफा कमाउने र ओभरसिज राइट्स, भीसीडी राइट्सले आफूलाई राम्रै रकम नाफा हुने बताए । चलचित्र ‘क्लासिक’मा आर्यन सिग्देल, नम्रता श्रेष्ठ, समुना केसी, रोमी घिमिरे, प्रज्वल गिरी, सुशिल काफ्ले, सुनिल रावल, शिशिर राना, सकुन्तला थापा, नमित चन्द, विश्व बस्नेत मुख्य भूमिकामा छन् ।
सुवास इन्टरटेन्मेन्ट र आर्यन सिग्देल इन्टरटेन्मेन्टको ब्यानरले निर्माण गरेको चलचित्र ‘क्लासिक’लाई दिनेश राउतले निर्देशन गरेका हुन् । चलचित्रमा आर्यन र नम्रता आँखा नदेख्ने भुमिकामा छन् ।
गीत हेर्नुहोस्: