ठुलोपर्दा डटकम, काठमाण्डौ।
‘होस्टेल’, ‘जेरी’ र ‘ड्रिम्स’ चलचित्रका स्टार नायक अनमोल केसीले अभिनय गरेको चौथो चलचित्र गाजलुको रिलिज मिति सार्वजनिक गरिएको छ । ‘गाजलु’ जेठ २१ गते प्रदर्शनमा आउने पक्का भएको छ ।
वैशाख २४ गते रिलिज गर्ने चर्चा चलेपनि मिति पोष्टपोन्ड भएको थियो । चलचित्रका निर्माता रोहित अधिकारीले केहि दिनमा नै चलचित्रको प्रदर्शन मिति सार्वजनिक गरिने बताए पनि वितरक कम्पनी एफडीले भने चलचित्र जेठ २१ मा रिलिज गर्ने तयारी गरिएको जानकारी दिएको छ । एफडीले यो चलचित्रलाई राम्रै ‘एमजी’ पनि दिइसकेको छ ।
चलचित्रमा अनमोल केसी, सलोन बस्नेत, गौरी मल्ल, गौरव पहारी, श्रृष्टी श्रेष्ठ, मेनुका प्रधान मुख्य भूमिकामा छन् । चलचित्रलाई हेमराज विसीले निर्देशन गरेका हुन् ।