पिता अनपढ हुँदा आर्यनलाई तनाव, ‘होमवर्क’ ट्रेलर रिलिज (भिडियो)

ठुलोपर्दा डटकम, काठमाण्डौ।
चकलेटी नायक आर्यन सिग्देल सँधै एउटै लुक्समा देखिए भन्नेहरुका लागि जवाफ बनेर आउन लागेको नेपाली चलचित्र ‘होमवर्क’को ट्रेलर रिलिज भएको छ । सार्वजनिक ट्रेलरमा आर्यन दोहोरो भूमिकामा छन् ।

आर्यन अशिक्षित पिता र शिक्षित छोराको भूमिकामा छन् । उनलाई नम्रता श्रेष्ठले अभिनयमा साथ दिएकी छिन् । ट्रेलरमा आर्यन र नम्रताको चुम्बन दृश्य समेत समावेश छ । चलचित्रमा आर्यन र नम्रताको साथै विजय लामा, गौरी मल्ल, जीपी तिमिल्सिना लगायतको अभिनय छ ।

गोपिकृष्ण मुभिजको ब्यानरमा उद्धव पौडेलको प्रस्तुतीमा तयार भएको यो चलचित्रलाई निकिता पौडेल, निरज पौडेल र निरक पौडेलले मिलेर बनाएका हुन् । चलचित्रमा शिवम् अधिकारीको कथा, पुरुषोत्तम प्रधानको छायांकन छ । चलचित्र जेठ ७ गते रिलिज हुँदैछ ।

ट्रेलर हेर्नुहोस्: