संजय लीला भंसालीको फिल्म ‘पद्मावती’को शूटिंग शुरू समेत भएको छैन तर यसको विरोध शुरू भईसकेको छ । फिल्ममा दीपिका पादुकोण चित्तौडका राजा रतनसेनकी पत्नी रानी पद्मिनी (पद्मावती)को भूमिका निभाउँदैछिन् ।
फिल्ममा दीपिकाका पतिको भूमिकामा शाहिद कपूर नजर आउनेछन् । फिल्ममा रणवीर सिंहलाई अलाऊद्दीन खिलजीको भूमिकामा पाईनेछ । यसस फिल्मको विरोध गुजरातमा हार्दिक पटेलको अगुआई वाला पाटी नवनिर्माण सेनाले गरेको छ । राजस्थानमा नै राजपूत करणी सेना यस फिल्मको विरोधमा छ ।
हार्दिक पटेलले फिल्मका निर्देशक संजय लीला भंसालीलाई चिट्ठी लेखेर चेतावनी दिएका छन् कि फिल्ममा तथ्यसँग खेलवाड कुनै हालतमा सहनयोग्य हुनेछैन । हार्दिक पटेल भनेका छन् कि जब सम्म भंसालीले लिखितमा आश्वासन दिँदैनन् तब सम्म यसस फिल्मको शूटिंग गुजरातमा हुन दिँदैनौ । त्यहिँ राजपूत करणीका सेनाले समेत राजस्थानमा फिल्मको शूटिंग हुन नदिने अड्डी लिएका छन् ।
हार्दिकले भंसालीलाई लेखेको चिट्ठीमा फिल्ममा ऐतिहासिक तथ्यलाई तोडमोड गरेर रिलीज गरियो भने करोडौँ मानिसको भावनामाथी ठेस पुग्ने बताईएको छ ।
यसअघि संजय लीला भंसालीको फिल्म ‘बाजीराव मस्तानी’मा पनि ऐतिहासिक तथ्यलाई तोडमोड गरेको आरोप लागेर विरोध समेत सहनु परेको थियो ।