ठूलोपर्दा डटकम, तनहूँ। राधा माध्यामिक विधालय जामुने, तनहुँको ३६ औं वार्षिकोत्सव तथा अभिभावक दिवसमा पुगेका अभिनेता राजेश हमाललाइ स्थानियले भव्य स्वागत गरेका छन् । हमाल आउने थाहा पाएर विहानदेखि उनलाइ पर्खेका स्थानियले उनि देखिँदा साथ माला र अबिरले स्वागत गरेका थिए ।
हमाल आउने भनेपछि टाढाटाढादेखि कार्यक्रम स्थल आएका तनहुँबासी लाइन नै लगायर उनलाइ नजिकबाट देख्न अनि माला पहिर्याउन तम्तयार थिए । जब जामुनेमा हमाल पुगे तब उनको नाममा हुटिङ चल्यो, ताली बज्यो । हमालको गलामा माला पुग्दा अनुहार नै छोपिएको थियो ।
घाँसी नेपालले बनाएको राधा माविको नव निर्मिति चार कोठे भवनको उद्घाटन तथा हस्तान्तरण कार्यक्रममा हमाललाइ विशिष्ट अतिथी बनाएर लगिएको हो । हमालले उक्त कार्यक्रमको उद्घाटन गर्दै नव निर्मित भवन पनि हस्तान्तरण गरेका छन् ।
कार्यक्रममा हमालले मन्तव्य दिने अनि उनले फिल्मको संवाद बोल्ने समय पर्खेर बसेका स्थानियले उनले माइक्रोफोन समाउँदादेखि नै हुटिङ सुरु गरेका थिए ।
घाँसी नेपालले हमाललाइ यसअघि नै मानार्थ सदस्यता प्रदान गरिसकेको छ । हमाल घाँसी नेपालका अभियान्ता पनि हुन ।
यो सम्बन्धी भिडियो सामग्री ठुलोपर्दा टिभीमा छिट्टै आउनेछ ।