ठुलोपर्दा डटकम, काठमाण्डौ।
नेपाली चलचित्र ‘निर्भय’को नयाँ गीत रिलिज भएको छ । प्रदर्शन मिति नजिकिँदै गर्दा निर्माण टिमले गीत सार्वजनिक गरेको हो । यो चलचित्र चैत्र ११ गते रिलीज हुँदैछ ।
इन्टरनेटमा सार्वजनिक गीतमा लिड अभिनेता निखिल उप्रेती र नीता ढुङ्गाना फिचरिङमा छन् ।
‘दुनियाँको भर के’ बोलको गीतमा स्वर शिव परियार र स्वेच्छा ठकुरीको छ । गीतमा शब्द-संगीत अर्जुन पोखरेलले दिएका छन् । गीतमा रामजी लामिछानेको कोरियोग्राफी रहेको छ ।
मधुसुदन भट्टराई निर्देशित फिल्मका निर्माता देविप्रसाद पाण्डे हुन् । ‘निर्भय’मा विकास चापागाईं, सुशिल पोखरेल, प्रज्वल गिरी, प्रदिप ढकाल, रश्मी भट्ट लगायत लिड अभिनयमा छन् । रामशरण उप्रेतीले फिल्म खिचेका हुन् ।
गीत हेर्नुहोस्: