राजविराज। सप्तरी जिल्लाको गम्हरिया प्रवाहा गाविसका दृष्टिबिहिन परिवारका १७ जनाको लागि घर निर्माण हुने भएको छ ।
सप्तरी युथ नेपाल, जिग्री पाडे प्रतिष्ठान नेपाल र सामाजिक अभियन्ता रमेश कुमार साहको संयुक्त पहलमा निर्माण हुन लागेका तीन घरको शनिवार शिलान्यास भएको छ ।
हाँस्यकलाकारद्वय सिताराम कट्टेल ‘धुर्मुस’ र कुञ्जना घिमिरे ‘सुन्तली’ले संयुक्त रुपमा घरको शिलान्यास गरे ।
बैशाख मसान्तसम्म घर निर्माण गरिसक्ने योजना सहित शिलान्यास गर बनाउन ३० लाख लाग्ने बताईएको छ । ३० लाख मध्ये १५ लाख रुपैया सहयोग संकलन भई सकेको र बाँकी १५ लाख संकलन गर्न बाँकी रहेको जिग्री-पाँडे प्रतिष्ठानले जनाएको छ ।
तीनवटै घरहरु अपांगमैत्री र बालमैत्री हुनेछन् । गम्हरिया प्रवाहा गाविस ५ निवासी शम्भु मण्डलको परिवारमा उनीसहित पाँच जना दृष्टिबिहिन छन् ।
१७ जना सदस्यलाई एक जना महिलाले हेरचाह गर्दै आएकी छिन् । ति महिलाको पनि शरीर जलेको अवस्थामा रहेको छ ।
विस्तृत जानकारीको लागि यो भिडियो हेर्नुहोस्: