दर्शकले रुचाए वानसट्मा खिचिएको ‘जालो’४ घण्टासम्म लगातार क्यामेरा अफ नगरि वानसट्मा खिचिएको दुई फिल्म हो ‘जालो’ र ‘जालो रिर्टन्स’ । जसमध्ये अहिले सिनेमा हलमा ‘जालो’ प्रदर्शन भैरहेको छ । संंभवत अर्को वर्ष भने ‘जालो’ को सिक्वेल ‘जालो रिर्टन्स’ प्रदर्शन हुनेछ । ट्रेलरबाटै प्रतिक्षित बनेको ‘जालो’ ले अहिले दर्शकहरुबाट भने सुखद प्रतिक्रिया पाइरहेको छ ।
फिल्म हेर्ने दर्शकहरुले वानसट्मा खिचिएको फिल्म ‘जालो’ का छायांकन हरी घले लामा, निर्देशक अराजकेशव गिरी र कलाकारहरुको कामको तारिफ गरेका छन् । प्रत्येक १० देखि १५ मिनेटमा फिल्मको कथाले नयाँ मोड लिन्छ, जसले दर्शकहरुलाई पूरा फिल्म अवधिभर बाँधेर राख्न सफल भएको छ ।
सस्पेन्स थ्रिलर फिल्म ‘जालो’ मा ‘जालो रिर्टन्स’ को पनि केही अंश देखाइएको छ । ‘जालो’ अनुपविक्रम शाही, मेनुका प्रधान, रेमनदास श्रेष्ठ, निराजन प्रधान, मुना गौचन, नीर शाह, लक्ष्मी गिरी, भीष्म जोशी, प्रकाश श्रेष्ठ, मुक्तराम आचार्य, लक्ष्मी बर्देवालगायतले अभिनय गरेका छन्।