नेपाल सरकारले निकिता पौडेललाई चलचित्र विकास बोर्डको अध्यक्षमा नियुक्त गरेको छ । पौडेल गोपीकृष्ण हलका संचालक तथा राप्रपा नेपालका कोषाध्यक्ष उद्धब पौडेलकी छोरी हुन् ।
निकिता पौडेलले आमसंचारमा स्तानाकोत्तर गरेकी छिन् । करीब ५ महिना अगाडि राजकुमार राईको पदावधि सकिएपछि सरकारले खुल्ला प्रतिष्प्रर्धाबाट आवेदन माग गरेको थियो । आवेदन अनुसार, पौडेललाई नियुक्त गरेको सरकारले जनाएको छ ।
चलचित्र विकास बोर्डले पहिलो पटक महिला अध्यक्ष पाएको हो । चलचित्र विकास बोर्ड नेपालको चलचित्र क्षेत्र हेर्ने एकमात्र सरकारी निकाय हो ।