वरिष्ठ लोकगायक तिर्थ गन्धर्वको निधन

ठुलोपर्दा डटकम, काठमाण्डौ। हृदयघातका कारण बरिष्ठ लोकगायक तीर्थ गन्धर्वको निधन भएको छ । गएराती सैनिक अस्पताल छाउनीमा उहाँको निधन भएको हो ।

वि.सं. २०१० मा तनहुँमा जन्मिनु भएका गन्धर्व २ वर्षअघिसम्म रेडियो नेपालमा जागिरे हुनुहुन्थ्यो । उहाँको शवलाई श्रद्धाञ्जलीका लागि प्रज्ञा भवनमा राख्ने तयारी भइरहेको बताईएको छ । ‘बल्ल पर्यो निरमाया माकुरी जालैमा …’ भन्ने गीत गन्धर्वले गाउनुभएको लोकप्रिय गीत हो ।