दुबईमा शाहरुखको लाईभ कन्सर्ट हुने, टिकट बुकिङको ओईरो

ठुलोपर्दा डटकम, मुम्बई। ‘ह्याप्पी न्यू इयर’ को शुटिङका लागी दुबईमा व्यस्त रहेका चर्चित बलिउड स्टार शाहरुख खानले दुबईमा ‘शाहरुख लाईभ इन कन्सर्ट’ गर्ने भएका छन् । उनीसंग चेन्नाई एक्सप्रेस र ह्याप्पी न्यू इयरकी जोडी दिपिका पादुकोणले पनि शो गर्ने आज पत्रकार सम्मेलनमार्फत शाहरुखले जानकारी गराएका हुन् ।

सन् २००८ पछि पहिलोपटक शाहरुखले दुबईमा यही आउदो डिसेम्बर १ तारिखका दिन दुबईको अन्तराष्ट्रिय क्रिकेट स्टेडियममा शो गर्न लागेका हुन् । उक्त स्टेडियममा २५ हजार मानिस थेग्ने क्षमता रहेका छ तर शाहरुखका फ्यानहरु बढी रहेको बताइएको छ । शो मा शाहरुखले धमाका मचाउने बताइएको छ । त्यँहा विभिन्न मिडियामार्फत प्रतियोगिता गरेर केही फ्यानहरुलाई शाहरुखसंगै स्टेजमा उभिने मौका दिइने बताइएको छ ।

पत्रकार सम्मेलनमा दिपिकाले आफु शाहरुखसंग शो गर्न पाउनु गौरवको कुरा रहेको र धेरै ज्ञान सिक्ने अपेक्षा रहेको बताएकी थिइन् । दिपिकाले त्यस्तो भनिरहदा शाहरुखले भने यसो भनिदिए, ‘ दिपिकाले एकदिनमा सिक्ने कुरा सिक्न मलाई ३० दिन लाग्छ ।’

शाहरुखको शोमा उपस्थित हुनका लागी अहिलेदेखि नै टिकट बुकिङ गर्नेको ओइरो लाग्ने अनुमान गरिएको छ । तर शाहरुखले त्यस्तो के चमत्कार गर्लान ५ वर्षपछि दुर्बइको शोमा ? केही न केही मसला त दिने नै आशा गरौँ ।