बिहीबार रिलिज भएदेखि नै शाहरुख खानको पछिल्लो चलचित्र ‘जवान’ले भारतमा बक्स अफिसमा तूफान ल्याइरहेको छ । एटली कुमारद्वारा निर्देशित यो चलचित्र एक्सन मनोरन्जक छ । यसकले तीन दिनमा भारतमा मात्र करिब रु. मात्र २०० करोड कमाई गरेको छ । यसले भारतमा बलिउड चलचित्रका लागि एकै दिनमा सबैभन्दा बढी कमाई गरेको छ। यसले शनिवार मात्र ७७.८३ करोडको व्यापार गर्यो ।
जवानको आँधी भारतमा मात्र सीमित छैन । चलचित्रले विश्वभर पनि उत्कृष्ट व्यापार गरिरहेको छ । ‘जवान’ नै सन् २०२३ को शीर्ष ५ सबैभन्दा धेरै विश्वव्यापी कमाउनेहरूको सूचीमा पुगेको छ र यति छोटो अवधिमा आइतवारसम्म तेस्रो नम्बरमा थियो । सूचीको पहिलो नम्बरमा शाहरुखकै अघिल्लो चलचित्र ‘पठान’ रहेको छ, जसले १०५०.३ करोड कमाई गरेको छ । यसपछि हालैको ब्लकबस्टर ‘गदर २’ ले ६७१.०२ करोड सहित दोश्रो नम्बरमा छ । चौँथो र पाँचौ नम्बरमा ‘रकी और रानी की प्रेम कहानी’ र ‘द केरला स्टोरी’ रहेका छन् ।
शाहरुखको रेड चिलीज इन्टरटेनमेन्टद्वारा निर्मित, जवानमा नयनथारा र विजय सेथुपति पनि मुख्य भूमिकामा छन् ।