भारतका सुपर हिट चलचित्रहरू ‘हम दिल दे चकवे सनम’, ‘भुलभुलैया’, ‘दिल से’, ‘दे दना दन’ लगायतका चलचित्रमा अभिनय गरेका दिवङ्गत भारतीय अभिनेता विक्रम गोखलेको नाममा मुम्बईको एक सडकको नाम राखिएको छ । उनको पहिलो पुण्य तिथिमा महाराष्ट्रका उपमुख्यमन्त्री देवेन्द्र फडणवीसले सो सडकको उद्घाटन गर्नेछन् ।
यो सडक अँधेरी पश्चिमको कोकिलाबेन धिरुभाई अम्बानी अस्पतालको गेट नम्बर चारबाट सिन्टा टावर तर्फ जान्छ ।
विक्रमको गत वर्षको नोभेम्बर २६ मा ७७ वर्षको उमेरमा निधन भएको थियो ।
सञ्जय लीला भन्सालीको चलचित्र ‘हम दिल दे चुके सनम’मा विक्रम गोखलेले महत्त्वपूर्ण भूमिका निभाएका थिए । यसमा उनी ऐश्वर्या रायका पिताको भूमिकामा देखिएका थिए । यसका अलावा उनले दिल से, अग्निपथ, दे दना दान, हिचकी, निकम, मिसन मङ्गल जस्ता चलचित्रमा पनि काम गरेका छन् । चलचित्र ‘भूल भुलैया’ मा अक्षय कुमारको गुरुको भूमिकामा विक्रम गोखले पनि देखिएका थिए ।
उनी बलिउड बाहेक, विक्रम मराठी थिएटर र टेलिभिजनमा पनि धेरै सक्रिय थिए । उनी चलचित्र अभिनेता चन्द्रकान्त गोखलेका छोरा हुन् । विक्रम गोखलेकी हजुरआमा कमलाबाई गोखले भारतीय सिनेमाको पहिलो महिला बाल कलाकार थिइन् ।
गोखलेले टेलिभिजनमा पनि छुट्टै पहिचान बनाएका थिए । उनी सन् १९८९ देखि १९९१ को बिचमा दूरदर्शनमा प्रसारण भएको प्रसिद्ध शो ‘उडान’ को एक हिस्सा थिए ।
उनले ९७ चलचित्र र थिएटर नाटकमा काम गरेका छन् । उनले ७० मराठी फिल्ममा पनि काम गरेका छन् ।
- दैनिक भास्करबाट