काठमाडौं – नेपाली अभिनेत्री तथा मोडल निकिता आचार्य भारतीय गायक तथा संगीतकार मधुर शर्माको नयाँ हिन्दी गीत ‘रुसवा’को म्युजिक भिडियोमा देखिएकी छन्। मधुर शर्मा, हितेन र इनायत कौर बाजीको संगीत रहेको गीतमा पंकज सैनी र शर्माको शब्द तथा मधुर शर्माको संगीत छ। गीत युनिभर्सल म्युजिक इन्डियाबाट सार्वजनिक गरिएको हो।
‘रुसवा’ले अधुरो रहे पनि घरजस्तै महसुस हुने प्रेमको कथा प्रस्तुत गरेको छ। प्रेम, सम्झना, विरह र पीडाबीच कसैलाई प्रेम गरिरहनुको भाव गीतमा समेटिएको छ। गीतको भिडियो नेपालको काठमाडौंमा छायांकन गरिएको हो। भिडियोमा काठमाडौंको बौद्धनाथसहित स्थानीय सम्पदा र नेपालको हरियालीलाई आकर्षक ढंगले प्रस्तुत गरिएको छ। भिडियोमा निकिताको भावनात्मक अभिनय देख्न सकिन्छ।
निकिताले सन् २०२२ मा चलचित्र ‘बाबरी’बाट अभिनय यात्रा सुरु गरेकी हुन्। त्यसपछि उनले ‘खेल’ र ‘श्री बुकुरो’ लगायतका चलचित्रमा अभिनय गरिसकेकी छन्। उनी अहिले चन्द्र पन्त निर्देशित नेपाली चलचित्र ‘आ बाट आमा २’मा पनि देखिँदैछिन्। चलचित्र असोज ३० गते प्रदर्शनमा आउने तयारीमा छ।
गीतः